Image default
Mu mahanga

Uganda: Urukiko rwategetse abasirikare kuva ku rugo rwa Bobi Wine

Urukiko rukuru rwa Uganda rwategetse ko abasirikare n’abapolisi bava ku rugo rw’ukuriye ishyaka NUP ritavugarumwe n’ubutegetsi, Robert Kyagulanyi uzwi kandi nka Bobi Wine.

Bobi Wine n’umugore we bafungiye mu rugo rwabo kuva amatora ya tariki 14 z’uku kwezi yarangira. Mu cyumweru gishize, abanyamategeko bahagarariye uyu munyamuziki wabaye umunyapolitiki batanze ikirego baregera urukiko gufungwa kwa Bobi Wine.

BBC yatangaje ko Leta ivuga ko kumufungira iwe ari igikorwa cyari kigamije kumubuza gutegura imyigaragambyo yamagana ibyavuye mu matora, Bobi Wine avuga ko ayo matora yibwe.

Bobi Wine n'umugore we bafungiye mu rugo n'umwana bavuga ko yari yaje kubasura

Mu matora, Perezida Yoweri Museveni yatsindiye manda ya gatandatu n’amajwi 58%, mu gihe Robert Kyagulanyi bari bahatanye cyane yagize 34%. Urukiko rukuru rwavuze ko gufungira Kyagulanyi iwe mu rugo “ari igikorwa kinyuranyije n’amategeko”.

Ntibizwi neza niba icyemezo cy’uru rukiko gihita gikurikizwa.

Ibihugu, imiryango yigenga n’abantu ku giti cyabo, banenze ko amatora muri Uganda yaranzwe no gupyinagaza no kwica abatavugarumwe n’ubutegetsi, bamagana n’ifungwa rya Bobi Wine iwe mu rugo.

Umuryango w’ubumwe bwa Africa wavuze ko amatora muri Uganda yagenze neza kandi yabaye mu mahoro asesuye.

Iriba.news@gmail.com

Related posts

Australia: Uwafotoye abapolisi barimo gupfa yakatiwe igifungo

Ndahiriwe

Abashinwa babujijwe kongera kurya imbwa n’injangwe

Emma-marie

Iran: Abagabo bacyekwaho ‘gucuruza abana kuri Instagram’ bafunzwe

Emma-marie

1 comment

habimana January 25, 2021 at 9:04 am

Ariko se yababariye uyu mugore n’abana agacisha macye ayobewe ko muri Africa guhara ubutegetsi bigorana

Reply

Leave a Comment

Skip to toolbar