Image default
Ubuzima

Covid-19: U Rwanda, DR Congo, Kenya nabyo byagezweho n’inkingo za Covax

Indege itwaye doze 240,000 z’urukingo rwa AstraZeneca muri gahunda ya Covax yageze i Kigali mu gitondo kuri uyu wa gatatu, nk’uko bivugwa na minisiteri y’ubuzima.

Muri iyo gahunda kandi mu ijoro ryacyeye, Kenya yakiriye doze miliyoni 1.02 z’uru rukingo rwa AstraZeneca, na DR Congo yakira doze miliyoni 1.7 z’urwo rukingo.

Uyu munsi nimugoroba u Rwanda rurakira izindi doze 102,960 z’urukingo rwa Pfizer, nk’uko bivugwa na minisiteri y’ubuzima mu itangazo yasohoye.

Iyi minisiteri yatangaje ko izo doze zose zizaterwa abantu 171, 480 bashyizwe mu cyiciro cy’abafite ibyago byinshi, mu gihe gukingira bitangira ku wa gatanu w’iki cyumweru.

Urukingo rwa AstraZaneca

Gukingira muri ibi bihugu biteganyijwe ko bihera ku bakozi bo mu nzego z’ubuzima, n’abakozi b’inzego zihutirwa hamwe n’abafite ibyago byinshi byo kwibasirwa n’iki cyorezo.

Muri gahunda ya Covax, izi ni doze z’inkingo za AstraZeneca ibihugu byo mu karere bizakira, ku rutonde rw’agateganyo rwatangajwe na WHO/OMS mu kwezi gushize:

  • DR Congo: 6,948,000
  • Kenya: 4,176,000
  • Rwanda: 1,098,960 (AstraZeneca na Pfizer)
  • South Sudan: 864,000
  • Uganda: 3,552,000

Mu kwezi gushize, u Rwanda rwakingiye abantu rukoresheje inkingo bivugwa ko ari iza Pfizer, zari “doze nkeya rwabonye mu bufatanye mpuzamahanga”, nk’uko byavuzwe na minisiteri y’ubuzima.

Mu Rwanda hamaze gutangazwa abantu barenga 19,000 banduye Covid-19 na 265 imaze kwica.

Related posts

Covid-19: Mana waturinze byinshi burizamo n’iki cyorezo cye kutuzengereza-Isengesho rya Min Busingye

Emma-marie

Covid-19: Muri Kasho zo mu Karere ka Ngoma hagaragaye abanduye coronavirus bagera kuri 72

Emma-marie

Siporo yo kugenda n’amaguru igabanya ibyago byo gupfa imburagihe

Ndahiriwe J. B

Leave a Comment

Skip to toolbar