Image default
Ubuzima

Covid-19: Abanyarwanda batangiye gukingirwa-Amafoto

Mu bitaro bitandukanye hirya no hino mu gihugu kuri uyu wa 5 Werurwe 2021 hatangiye igikorwa cyo gukingira abantu b’ingeri zitandukanye icyorezo cya Covid-19. Ababimburiye abandi ni abakora kwa muganga, abakuze, n’abandi bafite ibyago byinshi byo kwandura no kwibasirwa n’iki cyorezo.

Mu bakingiwe uyu munsi harimo na Minisitiri w’Ubuzima, Dr Ngamije Daniel, wakingiriwe mu Bitaro bya Masaka biherereye mu Murenge wa Masaka mu Karere ka Kicukiro.

Kimwe n’ahandi hose mu gihugu kuri uyu wa Gatanu, ku bitaro bya Masaka haratangwa inkingo 1776, zihere ku bakozi b’ibitaro, abajyanama b’ubuzima, abakuze batoranyijwe, ndetse n’inzego z’umutekano.

Abanyarwanda bakingiwe nyuma yo kwakira doze zirenga 300,000 z’inkingo za Oxford-AstraZeneca na Pfizer zo muri gahunda ya Covax, ejo kuwa kane izi nkingo zagejejwe ku bitaro bitandukanye hakoreshejwe kajugujugu za gisirikare n’imodoka z’ibitaro ziherekejwe n’iza polisi.

Image

Dr Ngamije yatangaje ko izi nkingo zajyanywe ku bitaro 50 n’ibigo nderabuzima 508 hirya no hino mu gihugu, kandi “ziterwa abazigenewe mu gihe cy’amasaha 48 uhereye kuwa gatanu.”

Image

Abakingiwe basabwaga gusinya inyandiko ivuga ko bemeye gukingirwa ku bushake no kudakurikirana inzego zatanze uru rukingo “ku ngaruka zizwi cyangwa zitazwi zifitanye isano n’uru rukingo”.

Abagore batwite bari mu byiciro by’abagomba gukingirwa ntabwo batewe uru rukingo.

Image

Mu Rwanda, abantu barenga 19,000 banduye Covid-19 naho abagera kuri 266 imaze kubica, nk’uko bitangazwa na minisiteri y’ubuzima.

Image

U Rwanda rufite intego yo gukingira 30% by’abaturage muri uyu mwaka na 60% mbere y’uko 2022 irangira.

Photo:Minisante

Iriba.news@gmail.com

Related posts

Bamwe mu bakoresha ‘Mituelle de Santé ‘ babangamirwa no kwandikirwa imiti bakayibura

Ndahiriwe J. B

Ibitaro bya MBC biherereye mu Biryogo byafunzwe

Ndahiriwe J. B

OMS ivuga ko itazi impamvu abakozi bayo birukanwe mu Burundi

Emma-marie

Leave a Comment

Skip to toolbar