Image default
Mu mahanga

Covid-19: Museveni yavuze ko Uganda iri mu nzira zo gukora urukingo rwayo

Perezida Yoweri Museveni wa Uganda yavuze ko akiri “kureba urukingo” yafata, nyuma y’iminsi guverinoma ye itangiye gahunda yo gukingira Covid-19 ikoresheje AstraZeneca.

Bamwe mu bakuru b’ibihugu bya Africa bakingiwe mu ruhame inkingo zageze ku bihugu byabo, kugira ngo bagaragaze ko bazizeye.

Mu ijambo yavuze kuri televiziyo ku cyumweru nijoro, Yoweri Museveni yavuze ko atarakingirwa kuko yaretse bagahera ku bakora mu buvuzi, we akomeje “kwirinda kandi akirinzwe n’umubiri”. Museveni yavuze ko n’umugore we Janet Museveni atarakingirwa.

Mu kwezi gushize, minisitiri w’ubuzima Jane Aceng yahakanye amakuru ko perezida n’abantu bari hafi ye bakingiwe mu ibanga, mbere y’uko gukingira bitangira kumugaragaro mu gihugu.

BBC dukesha iyi nkuru yatangaje ko yasubizaga amakuru yari yatangajwe n’ikinyamakuru cyo mu gihugu Daily Monitor n’icyo muri Amerika the Wall Street Journal.

Mu ijambo rye ku cyumweru, Museveni yavuze ko icyo kinyamakuru kigomba gusaba imbabazi “mu nyuguti nini ku rupapuro rwa mbere” cyangwa “akazagikurikirana”.

Museveni kandi yavuze ko “tuzakora urukingo rwacu kandi nizera ko ruzaba ruruta zimwe muri izi”.

Uganda iteganya gukingira 49% by’abayituye mu buryo buzakorwa mu byiciro.

Mu ntangiriro z’uku kwezi nibwo yakiriye doze 864,000 zo muri gahunda ya Covax, ikaba itegereje kuzabona doze miliyoni 2.6 mu kwezi kwa gatandatu.

Related posts

Urukiko rwategetse umugabo kuriha umugore we indishyi ku mirimo yo mu rugo

Ndahiriwe Jean Bosco

Tanzaniya: Coronavirus yatumye Perezida Magufuli asuhuzanya mu buryo budasanzwe

Emma-marie

UN irasaba ifungurwa ry’umugabo utemera Imana

Ndahiriwe Jean B

Leave a Comment

Skip to toolbar