Image default
Ubutabera

Rtd Major Habib Mudathiru yakatiwe gufungwa imyaka 25

Urukiko rwa gisirikare i Kigali rwakatiye igifungo cy’imyaka 25 Habib Mudathiru wahoze mu gisirikare cy’u Rwanda ku ipeti rya major, nyuma akaza gufatirwa mu nyeshyamba muri DR Congo.

BBC yatangaje ko Mudathiru, ugicumbagira kuko bivugwa ko yakomerekeye mu mirwano yafatiwemo muri Kivu y’Epfo, niwe ukuriye itsinda ry’abandi 31 bareganwa, urubanza rwabo rwari gusomwa mu kwezi kwa mbere rukimurwa rwasomwe uyu munsi.

Baregwa ibyaha birimo; kurema umutwe w’ingabo utemwe, gucura umugambi wo guhirika ubutegetsi buriho, kugirana umubano na leta y’amahanga hagamijwe gushoza intambara, n’umugambi w’iterabwoba.

Mu rubanza rwabo bashinjwe gukorana n’umutwe wa RNC n’ihuriro ry’imitwe ya politiki yitwa P5, bakagaba ibitero mu Kinigi mu majyaruguru y’u Rwanda mu 2019 ahiciwe abaturage 14.

Mudathiru waburanye yemera bimwe mu byaha aregwa, yavuze ko amabwiriza bayahabwaga na Kayumba Nyamwasa wahoze ari umugaba w’ingabo z’u Rwanda kandi bafashijwe na bamwe mu basirikare bakuru ba Uganda n’u Burundi. Mudathiru yemera ko yahaye imyitozo ya gisirikare abarwanyi ba P5 bitegura kugaba ibitero ku Rwanda.

Umwe yagizwe umwere

Habib Mudathiru n’abandi babiri bareganwa nawe bahamijwe ibyaha by’iterabwoba no gushaka guhirika ubutegetsi hakoreshejwe imbaraga, bakatirwa igifungo cy’imyaka 25

Abo bandi ni abasirikare b’ipeti rya Private Jean Bosco Ruhinda na Muhire Dieudonné nabo bakatiwe gufungwa imyaka 25.

Abandi, biganjemo abasore bakiri bato bavuga ko bajyanywe muri izo nyeshyamba, bakatiwe igifungo kiri hagati y’imyaka umunani n’imyaka itanu.

Umuntu umwe mu baregwa niwe wagizwe mu mwere kuri ibi byaha.

Uru rubanza rwitiriwe urw’abayoboke ba RNC rubaye rumwe mu zihuse cyane kandi rwarimo abaregwa benshi.

Mu mpera za 2019 nibwo aba 32 bagejejwe bwa mbere mu rukiko nyuma yo gufatirwa ku butaka bwa DR Congo.

Kugeza ubu ariko uko bagejejwe mu Rwanda ntibyasobanuwe birambuye, gusa ubushinjacyaha bwa gisirikare bwavuze ko bafatiwe mu bikorwa bya gisirikare bibangamiye igihugu.

Related posts

Sankara yibaza ukuntu Rusesabagina yashakaga kuba perezida w’u Rwanda atari umunyarwanda

Ndahiriwe Jean Bosco

Ndasaba urukiko guca inkoni izamba-Major Mudathiru

Emma-marie

Icyo Umunyamakuru Phocas Ndayizera yavuze mbere yo gukatirwa n’Urukiko

Ndahiriwe Jean Bosco

Leave a Comment

Skip to toolbar