Image default
Uncategorized

RwandAir yabaye ihagaritse ingendo zijya muri Uganda

RwandAir, kompanyi y’indege ya leta y’u Rwanda, yabaye ihagaritse ingendo z’indege zerekeza i Entebbe guhera ku wa kane “kubera kwiyongera kwa Covid-19 muri Uganda”.

Ku wa kane Uganda yatangaje umubare munini kurusha iyindi w’abanduye bashya ku munsi umwe, ni abanduye 1,438 mu bipimo byafashwe ku wa kabiri.

BBC dukesha iyi nkuru yatangaje ko RwandAir  ariyo kompanyi ya mbere muri aka karere ihagaritse ingendo z’indege zijya muri Uganda kubera ubu bwiyongere bushya bwa Covid-19 muri icyo gihugu.

Abategetsi ku ruhande rwa Uganda nta cyo batangaje ku cyemezo cya RwandAir.

Uganda ihanganye n’amoko ya Covid yabonetse bwa mbere mu Buhinde, mu Bwongereza, Africa y’Epfo, kongeraho isanzwe yabonetse bwa mbere mu Bushinwa.

Image

Hari impungenge ko niba ubwandu bukomeje kwiyongera, ibigo by’ubuvuzi bishobora kubura ibikoresho n’umwuka wa ‘oxygen’ uhabwa abarwayi.

Uganda imaze kugira abanduye bose hamwe 56,949, Perezida Yoweri Museveni aherutse gutangaza amategeko ya ‘guma mu rugo’ yatumye amashuri n’ingendo zihuza uturere bihagarikwa.

Ku wa kane Emira Zunze Ubumwe z’Abarabu (UAE) zatangaje ko mu rwego rwo kwirinda iki cyorezo, abagenzi bava mu bihugu bya Uganda, Zambia na DR Congo guhera uyu munsi ku wa gatanu batemerewe kwinjira muri icyo gihugu.

iriba.news@gmail.rw

Related posts

Hari ibimenyetso ‘bikomeye’ byerekana ko habaho ubundi bwoko bw’ingufu

Ndahiriwe Jean B

U Bwongereza bwokejwe igitutu ngo bushyikirize ubutabera abacyekwaho uruhare muri Jenoside bidegembya

Ndahiriwe Jean B

Mariah Carey yarezwe gusebya umuvandimwe we mu gitabo

Ndahiriwe Jean Bosco

Leave a Comment

Skip to toolbar