Image default
Ubuzima

Mu Rwanda abakingiwe Coronavirus nabo bari kuyandura

Minisiteri y’Ubuzima, Minisante, iributsa Abanyarwanda ko gukingirwa Covid-19 bitabuza umuntu kuyandura, ikagaragaza ko mu bipimo bimaze iminsi bifatwa hagaragayemo abantu banduye kandi barakingiwe.

Minisiteri y’Ubuzima yatangaje ko mu banyarwanda ibihumbi 390 bamaze guhabwa urukingo rwa Covid-19 mu Rwanda, ababarirwa muri 400 bongeye kubapima bakabasangamo Covid-19.

Image

Umuyobozi w’Ikigo cy’Igihugu cy’Ubuzima (RBC), Dr Sabin Nsanzimana , avuga ko abafashe inkingo batagomba kwirara kuko indwara igihari, kandi abakingiwe bashobora kwanduza.

Yagize ati: “Mu bipimo tumaze iminsi dufata hagaragayemo abantu 400 banduye kandi baramaze gukingirwa. Abakingiwe ntibagomba kwirara bumva ko gukingirwa bikuraho kwandura no kwanduza abandi.”

Image

Umuyobozi wa RBC avuga ko ubwandu bushya bwa COVID-19 bwazamutse ku kigero cya 245% mu gihe kitarenze ibyumweru bibiri, naho abantu babuze ubuzima biyongereye ku kigero cya 25%, mu gihe abakenera ibitanda kwa muganga umubare wazamutse hejuru ya 70%.

Kwiyongera kw’abarwayi byatumye Minisiteri y’Ubuzima yongera gufungura ibigo byita ku barwayi ba Covid-19 byari byarafunzwe kugira ngo bishobore kwita ku barembye.

Imibare iheruka gutangazwa na Minisante, igaragaza ko mu Rwanda ku wa Gatatu tariki 16 Kamena 2021, mu Rwanda abantu 263 banduye Covid-19, ntawakize, abitabye Imana ni 4 mu gihe abarembye ari 11 nk’uko imibare yatangajwe ibigaragaza.

Iriba.news@gmail.com

Related posts

OMS ivuga ko itazi impamvu abakozi bayo birukanwe mu Burundi

Emma-marie

Kigali: Mu bamotari hagaragayemo abanduye Coronavirus

Emma-marie

Abanyarwanda babujijwe gukoresha imiti yo mu bwoko bwa chroloquine nk’irinda cyangwa ivura Covid-19

Emma-marie

Leave a Comment

Skip to toolbar