Image default
Abantu

Tokyo Olympics: Ssekitoleko wari watorotse yagejejwe muri Uganda ahita afungwa

Umukinnyi uterura ibiremereye wa Uganda wari watorotse hoteli yarimo n’abandi bajyanye mu mikino Olempike mu Buyapani yagaruwe i Kampala amasaha macye mbere y’uko iyo mikino itangira ku mugaragaro.

Julius Ssekitoleko yagejejwe mu gihugu cye mu gitondo cyo ku wa gatanu avuye mu Buyapani ahita afatwa na polisi akigera ku kibuga cy’indege mpuzamahanga cya Entebbe.

Nyina, umugore we utwite, n’abategetsi bo muri guverinoma bari baje kumureba ku kibuga cy’indege ntibagize amahirwe yo kumubona.

Mu itangazo, minisiteri y’ububanyi n’amahanga yavuze ko “guverinoma ya Uganda igiye kugorora uwo mukinnyi kugira ngo azabashe gukomeza umwuga we.”

Ivuga kandi ko azafashwa “kumva uko iyo myitwarire mibi atari we gusa yagiraho ingaruka nk’umukinnyi ahubwo n’abandi bakinnyi bose mu mikino n’igihugu muri rusange.”
Julius Ssekitoleko mu 2018

Charles Twino, umuvugizi w’igipolisi w’urwego rugenza ibyaha rwa Uganda, yavuze ko polisi ifunze Ssekitoleko mbere y’uko ivugana na we ikareba niba hari icyaha yakoze cyangwa nta cyo.

Twino avuga ko Ssekitoleko ananiwe kandi yemerewe kuba aruhuka.

Ubwo Ssekitoleko yatorokaga hoteli mu mujyi wa Izumisano mu ntara ya Osaka, ntiyari yujuje ibishya bisabwa abo mu cyiciro cye byatangajwe yaramaze kugera mu Buyapani.

Bityo byari biteganyijwe ko agaruka muri Uganda hagati muri iki cyumweru.

Atoroka, yasize inyandiko mu cyumba cye avuga ko yifuzaga kuguma no gukora mu Buyapani.

Polisi y’Ubuyapani yahize Ssekitoleko, aza gufatirwa mu mujyi wa Yokkaichi, muri 160Km mu burasirazuba bw’aho yari yaturutse.

SRC: BBC

Related posts

Gatsibo: Abana batewe inda bavuga ko bahozwa ku nkeke n’ababyeyi babo

Ndahiriwe Jean Bosco

USA: Umunyarwanda yahawe igihembo cya Rwiyemezamirimo mwiza ukizamuka

Emma-marie

Umuraperi Jay Polly mu batawe muri yombi

Ndahiriwe

Leave a Comment

Skip to toolbar