Image default
Ubutabera

Rusesabagina yakatiwe agirwa umwere ku byaha bimwe na nimwe

Urugereko rwihariye rw’Urukiko Rukuru ruburanisha Ibyaha Mpuzamahanga n’Ibyambukiranya Imipaka mu Rwanda rwakatiye  Paul Rusesabagina igifungo cy’ imyaka 25, naho Callixte Nsabimana alias Sankara wari umuvugizi w’umutwe wa FLN agafungwa imyaka 20.

Urukiko rwahamije Rusesabagina na Sankara bimwe mu byaha baregwa by’iterabwoba, rubagira abere ku cyaha cyo kurema umutwe w’ingabo utemewe.

Urukiko rwavuze ko bombi bagiye bemera bimwe mu byaha baregwa bakanabisabira imbabazi, nk’impamvu nyoroshyacyaha.

Umucamanza yavuze ko Rusesabagina wivanye mu rubanza ntaburane mu mizi ibyo yemeye yabyemereye mu iburanisha ku ifungwa n’ifungurwa ry’agateganyo.

Rusesabagina yahamijwe ibyaha byo kuba mu mutwe w’iterabwoba no gukora iterabwoba, ariko yagizwe umwere ku cyaha cyo kurema umutwe w’ingabo utemewe, rumuhanisha gufungwa imyaka 25.

                                             Paul Rusesabagina 

Nsengimana Herman wabaye umuvugizi wa FLN asimbuye ‘Sankara’ yahamijwe kuba mu mutwe w’iterabwoba ahanishwa gufungwa imyaka itanu.

Iki ni nacyo gihano cyahawe Mukandutiye Angelina umugore wenyine uregwa muri uru rubanza.

Abandi baregwa muri uru rubanza nabo bagiye bagabanyirizwa ibihano biri hagati y’imyaka 20 n’imyaka itatu.

Muri uru rubanza, uretse babiri mu baregwa, abandi bose bategetswe kuzariha indishyire zose hamwe zirenga miliyoni 400 y’u Rwanda, mu bantu barenga 30 na kompanyi ebyiri baregeye indishyi.

Nsabimana Callixte 'Sankara' yasabiwe igifungo cy'imyaka 25 | IGIHE

                                  Callixte Nsabimana alias Sankara

Rusesabagina n’uyu munsi utari mu rukiko  yivanye mu rubanza mu kwezi kwa gatatu avuga ko ‘nta butabera yiteze muri uru rukiko’.

Rusesabagina ni inde?
  • Yavukiye i Murama, mu cyaro kiri mu majyepfo y’u Rwanda
  • Yavuye mu Rwanda mu 1996, asaba ubuhungiro mu Bubiligi
  • Afite abana batanu, ubwenegihugu bw’Ububiligi n’uburenganzira bwo gutura muri Amerika
  • Yize anakora ibijyanye na hoteli nyuma aba impirimbanyi ya politiki
  • Nyuma ya filimi ‘Hotel Rwanda’ yabonye ibihembo bitandukanye
  • Yashinze ishyaka PDR-Ihumure, ritavugarumwe n’ubutegetsi rikorera mu buhungiro
  • Yabaye umukuru wungirije w’ihuriro MRCD rifite inyeshyamba za FLN
  • Izi nyeshyamba zagabye ibitero ku Rwanda mu 2018 na 2019 byiciwemo abantu bose hamwe batandatu
  • Ibyaha aregwa bishingiye ku bitero by’izi nyeshyamba

Related posts

Angeline Mukandutiye yavuze uko yinjizaga abakobwa mu barwanyi ba FLN

Ndahiriwe JB

Ubushinjacyaha bwavuze ko abaganga basanze Jay Polly na bagenzi be barasabitswe n’urumogi

Ndahiriwe JB

Umusirikare warashe umwana w’imyaka 17 yakatiwe gufungwa burundu

Emma-marie

Leave a Comment

Skip to toolbar