Image default
Abantu

RIB yahamagaje Ingabire Victoire

Ubutumwa Ingabire Victoire yanditse kuri Twitter mu rurimi rw’Ikinyarwanda n’Icyongereza buragira buti “Ejo tariki 19/10/2021 saa tatu n’igice nasabwe kwitaba kuri RIB.”

Ingabire uvuga ko ari umuyobozi  w’ishyaka DALFA-Umurinzi ritemewe mu Rwanda, aherutse kubwira ibinyamakuru mpuzamahanga ko  abayoboke b’ishyaka rye barindwi batawe muri yombi n’Urwego rw’Igihugu rw’ubugenzacyaha (RIB) mu bihe bitandukanye.

Mu bo avuga ko batawe muri yombi ngo harimo kandi n’abagore babiri “bamba bugufi”, bo batari abayoboke baryo.

Ku wa gatatu nijoro, RIB yatangaje kuri Twitter ko yafunze abantu batandatu barimo na nyir’Umubavu TV yo ikorera kuri YouTube Théoneste Nsengimana, bakurikiranyweho “gutangaza amakuru y’ibihuha agamije guteza imvururu n’imidugararo muri rubanda”.

RIB ikaba iburira abakoresha imbuga nkoranyambaga kwitondera ibyo bazitangarizaho, kuko ngo hari abo biviramo ibyaha bibashyira mu kaga.

Mu mwaka wa 2018 nibwo Ingabire Victoire yafunguwe nyuma yo gukatirwa n’urukiko rw’Ikirenga igihano cy’imyaka 15 amaze guhamwa n’ibyaha birimo guhungabanya umutekano w’igihugu ndetse no gupfobya jenoside.

Yafunguwe n’iteka rya perezida rimuha imbabazi hamwe n’abandi bafungwa bose hamwe 2140.

iriba.news@gmail.com

Related posts

Aracyekwaho kwiyitirira Umupolisikazi agashaka kwambura rubanda

Ndahiriwe

Gatsibo: Abana batewe inda bavuga ko bahozwa ku nkeke n’ababyeyi babo

Ndahiriwe Jean Bosco

Arsene Wenger ari mu Rwanda

Ndahiriwe

Leave a Comment

Skip to toolbar