Image default
Mu mahanga

Tigray: Abaganga baratabariza abana bafite ikibazo cy’imirire

Mu bitaro bitandukanye byo mu Ntara ya Tigray birwariyemo abana benshi barwaye indwara ziterwa n’imirire mibi, abandi bafite ikibazo cyo kutonswa kuko ba Nyina bashonje.

Surafeal Mearig, ni umwana ufite amezi atatu, arwariye mu bitaro binini byo ntara ya Tigray, imbavu ze zirabarika, umusatsi waracuramye kubera bwaki.

Uwo ni umwe mu bana benshi barwaye indwara ziterwa no kurya nabi, ibi bikaba byaratewe n’intambara imaze amezi agera muri 14 ibera mu ntara ya Tigray no mu zo bihana imbibe za Afar na Amhara.

Umuganga w’abana avura Surafeal mu bitaro bikuru bya Ayder ku murwa mukuru wa Tigray, Mekelle, yabwiye Reuters ko apima 2,3kg, ikiro kimwe munsi y’ibyo yavukanye.

Amakuru yo kwa muganga atangwa n’abakozi bo mu bitaro bavuga ko amashereka y’ababyeyi bonsa yakamye, ubu nta n’umwe mu babyeyi barwaje abana ushobora konsa ntibafite n’ubushobozi bwo kubagurira amata y’ifu.

Abakozi bo kwa muganga bavuga ko bamaze gushirirwa n’inyongeramirire n’ibindi bifashishaga mu kuvura abana bafite ikibazo nk’icya Surafeal.

Umwe mu baganga yabwiye BBC ati “Ubu hashize amezi atandatu nta miti cyangwa ibikoresho duhabwa biva i Addis Ababa (umurwa mukuru w’igihugu). Dusa n’abamaze ibyo twari dufite kuva tubonye ibya nyuma mu kwezi kwa gatandatu. Ibintu byose byashize.”

Muri iyi iki cyumweru, abakozi bo mu bitaro bya Ayder bandikiye amashirahamwe mpuzamahanga afasha basaba ubufasha. Surafeal yabaye umwe mu bana barekanywe.

Abakozi bo mu bitaro bavuze ko 40% b’abana bafise munsi y’imyaka itanu bazanwa ku bitaro barwaye kubera kurya nabi ni incuro ebyiri ku rugero rwo mu 2019.

Mu gihe aba baganga bari gutabaza abagiraneza, Leta ya Ethiopia yo ivuga ko nta kibazo kiri mu gihugu kijyanye n’imiti cyangwa ibiribwa.

iriba.news@gmail.com

 

Related posts

Uganda: Amatora yatangiye mu buryo budasanzwe

Ndahiriwe Jean Bosco

“Urahitamo kwikingiza Covid-19 cyangwa kureka akazi”

Ndahiriwe Jean B.

Tanzania: Mu mwanya w’urukingo rwa COVID-19 bizeye ‘Ibyatsi’

Emma-marie

Leave a Comment

Skip to toolbar