Image default
Sport

Mbappé yasinye amasezerano mashya muri PSG, La Liga icika ururondogoro

Rutahizamu w’ikipe y’igihugu y’Ubufaransa Kylian Mbappé yemeye kuguma mu ikipe ya Paris Saint-Germain (PSG), yanga kujya muri Real Madrid.

Yashyize umukono kuri kontaro nshya y’imyaka itatu irimo inyungu nyinshi akinira iyi kipe yegukanye igikombe cya shampiyona y’Ubufaransa.

Uyu rutahizamu w’imyaka 23, wari mu ikipe y’igihugu y’Ubufaransa yegukanye igikombe cy’isi mu 2018, yari yavuzwe cyane ko ashobora kwerekeza muri Espagne, ariko ahitamo gukomezanya na PSG.

Ubuyobozi bwa shampiyona ya Espagne – La Liga – bwakiranye uburakari ayo makuru, buvuga ko ayo masezerano ari “urukozasoni”.

La Liga yanatangaje ko iteganya gutanga ikirego mu mpuzamashyirahamwe y’umupira w’amaguru i Burayi (UEFA), no ku bategetsi b’Ubufaransa n’ab’umuryango w’Ubumwe bw’Uburayi (EU/UE).

Itangazo rya La Liga rigira riti: “Ubu bwoko bw’amasezerano buteje inkeke ku kuramba ko mu rwego rw’ubukungu kw’umupira w’Uburayi”.

La Liga yongeyeho ko ayo masezerano yashyize “imirimo ibarirwa mu bihumbi amagana hamwe n’ubunyangamugayo muri siporo mu byago by’igihe kiri hagati na hagati, atari gusa mu marushanwa y’Uburayi, ahubwo no muri za shampiyona zacu z’ibihugu”.

Mbappé, an example of professionalism, overwhelms Real Madrid and proves  he's the best in the world | Atalayar - Las claves del mundo en tus manos

Inzobere ku mupira wo muri Espagne Guillem Balagué, mu nkuru ye yo mu kwezi gushize kwa kane, yanditse ko PSG yari yiteguye guha Mbappé miliyoni 150 z’ama-euro (miliyari 161 uyashyize mu mafaranga y’u Rwanda) agisinya kontaro nshya, ngo ahagume indi myaka ibiri y’imikino.

Hari hashize amezi Mbappé na Real bemeranyijwe ku mafaranga mu gihe yari kuba afashe icyemezo cyo kwerekeza muri Espagne, ariko yanze kujya muri iyi kipe itozwa na Carlo Ancelotti.

Mbappé yavuze ko “yishimye cyane” kuba agumye muri PSG, nyuma yuko we na Perezida w’iyi kipe, Umunya-Qatar Nasser Al-Khelaifi, batangaje amasezerano mashya ye ku kibuga cyayo Parc des Princes, mbere y’umukino wayo wa nyuma wa shampiyona ya Ligue 1 uyu mwaka.

Ni umukino PSG yanyagiyemo Metz ibitego 5-0, birimo bitatu bya Mbappé.

Mu itangazo ry’iyi kipe, Mbappé yagize ati: “Nizeye ko hano nshobora gukomeza gukurira mu ikipe yiha amikoro yose kugira ngo yitware neza ku rwego rwo hejuru hashoboka”.

“Nanishimiye gushobora gukomeza gukina mu Bufaransa, igihugu navukiyemo, nakuriyemo, nanatereyemo imbere”.

Yageze muri PSG mu kwezi kwa munani mu 2017, ku masezerano y’umwaka umwe y’inguzanyo (intizanyo), avuye mu ikipe ya Monaco. Amaze gufasha PSG kwegukana ibikombe bine bya shampiyona ya Ligue 1 mu myaka itanu y’imikino.

Mu gihe kontaro ye yari kurangira mu kwezi kwa gatandatu, iyi kipe y’Abanya-Qatar yari ihangayikishijwe no gukora kuburyo ayigumamo, ndetse yari yiteguye guha Mbappé umushahara wa miliyoni 21 z’amapawundi (miliyari 26 mu mafaranga y’u Rwanda) ku mwaka.

Mbappe: An option to become Real Madrid's future striker | Marca

Mbappé yatsinze igitego muri buri mukino, ubanza n’uwo kwishyura, bakinnye na Real Madrid muri Champions League uyu mwaka, ariko PSG ikurwamo na Real muri kimwe cy’umunani, ku giteranyo cy’ibitego 3-2.

Yasoje shampiyona ya Ligue 1 uyu mwaka ari we utsinze ibitego byinshi kurusha abandi – ibitego 28 – ndetse yatanze n’imipira 17 yavuyemo ibitego mu mikino 35, mu gihe PSG yegukanye igikombe cya shampiyona y’Ubufaransa habura imikino ine ngo shampiyona irangire.

‘Urukozasoni’

Raporo yatangajwe muri uku kwezi kwa gatanu n’urwego rw’ubugenzuzi rwa Ligue de Football Professionnel (LFP), rugenzura shampiyona z’umwuga mu Bufaransa, yavuze ko PSG yahombye miliyoni 224.3 z’ama-euro mu mwaka w’imikino wa 2020-2021.

Ayo yaje nyuma ya miliyoni 124.2 z’ama-euro PSG yahombye mu mwaka w’imikino wa 2019-2020, ubwo Ligue 1 yahagarikwaga mu kwezi kwa gatatu mu 2020 kubera icyorezo cya Covid-19.

Mbappe: Things can happen that change your mind | Marca

Itangazo rya La Liga rivuga ko ari “urukozasoni kuba ikipe nka PSG” ishobora kwemera kontaro nk’iyo “mu gihe amakipe yashoboraga kwemera ukuza k’umukinnyi kandi imishahara yayo ntibangamirwe asigaye adashoboye kumusinyisha”.

Iryo tangazo ryasohotse nyuma y’ubutumwa bwo kuri Twitter bwa Perezida wa La Liga Javier Tebas, na we wanenze ayo masezerano.

La Liga yavuze ko PSG “itarimo kubahiriza amategeko”.

@BBC

Related posts

Ku nshuro ya mbere Ikipe y’Igihugu y’u Bwongereza yatwaye Euro y’abagore

Ndahiriwe Jean Bosco

Amavubi yatsinzwe

Ndahiriwe Jean Bosco

Leta yemeye ko ibikorwa bya Sport bisubukurwa

Emma-marie

Leave a Comment

Skip to toolbar